ӱдыр олно

Ӱдыр олно пуымаш-налмаш – ожно годсо осал койыш. М. Шкетан. Выкуп за невесту – это древний вредный обычай.

Идиоматическое выражение. Основное слово:

Ӱдыр олно выкуп за невесту;

олным тӱлаш платить выкуп за невесту.

(Тоймет:) А олныжым вара тудо кунар пуаш сӧра? Н. Арбан. (Тоймет:) А какой калым он обещает заплатить?

Тудо (Танила) ватыж дене олно шотышто каҥашаш тӱҥале. Н. Лекайн. Танила начал обсуждать со своей женой насчёт калыма.

Олно окса деньги на выкуп невесты.

Только тугай качымарийлан пуаш – олно вургемже шуко лийже. Выдать только такому жениху, чтобы калымной одежды у него было много.

Ава ден ӱдыр мать и дочь;

кугу ӱдыр взрослая дочь;

кугыватын ӱдыржӧ падчерица.

Вашлияш лектеш кугорныш Лена шочмо ӱдырем. С. Вишневский. Выходит встречать на большак моя родная дочь – Лена.

Ӱдыр воктен ачаж ден аваже ошкылыт. В. Иванов. Рядом с дочерью шагают родители.

Ӱдыр дене чеверласаш прощаться с девушкой;

мотор ӱдыр красивая девушка.

Ӱдыр-влак воштылыт. М. Евсеева. Девушки смеются.

Вот тиде ӱдыр гын – ӱдыр! Йӱксӧ гай! Б. Данилов. Вот это девушка так девушка! Словно лебедь!

Ӱдырлан пӧлеклаш подарить невесте;

ӱдырым лукташ вывести невесту.

Ӱдыр ден каче ӱстел ваштареш шогалыныт, а шеҥгелне сӱан калык мурен. В. Иванов. Невеста и жених встали напротив стола, а позади них пели участники свадьбы.

Курык ӱдыр дочь гор;

эрык ӱдыр дочь свободы.

Моло калык дене пырля шем фашизм ваштареш марий калыкын эргышт ден ӱдырыштат илаш-колаш кредалыныт. В. Иванов. Вместе с другими народами против чёрного фашизма сражались насмерть сыновья и дочери и марийского народа.

Ӱдыр кумыл девичий нрав;

ӱдыр муро девичья песня.

– Чынак, ӱдыр пагыт ик гана веле толеш! – келшыш Сима. В. Иванов. – Действительно, девичья пора приходит только раз! – согласилась Сима.

Ӱдыр чап, мыйын шонымаште, шергынрак шога. С. Музуров. Девичья честь, по-моему, стоит дороже.

Идиоматические выражения:

Ӱдыр олно пуымаш-налмаш – ожнысо годсо осал койыш. М. Шкетан. Отдача и получение калыма за девушку плохой обычай старых времён.